Námsframvinda

Áætluð árleg námsframvinda í íslensku með markmiðum, námsefni, heimanámi og kennslutilhögun fyrir 1. - 4. námsár skólans.

Fyrsta námsár
uppfært í október 2019
Markmið:
  • Að nemandi nái valdi á frumþáttum móðurmáls, þ.e. töluðu máli og hlustun, lestri og ritun, eftir því sem þroski þeirra leyfir. Þessir þættir styðja hvern annan, tengjast og skarast.
  • Að nemandi læri að bera virðingu fyrir málinu, geti tjáð öðrum skoðanir sínar og auki orðaforða sinn.
  • Að nemandi þjálfist í að nota hugtök íslenskunnar s.s. bókstafir, orð, setningar og rím.
  • Að nemandi læri heiti og hljóð stafanna og nái að tengja saman.
  • Að þroska og þjálfa skrift og ritun sem nýtist í skólastarfinu og síðar í lífinu.

Námsefni:  Lestrarlandið 1 og 2. Ýmsar léttlestrarbækur, ýmis verkefni, skrift, kennsluforrit og
myndbönd, markviss málörvun, sögur, kvæði og þulur.

Kennslutilhögun: Í upphafi verður lögð áhersla á málörvun, heiti og hljóð stafanna, lestrarþjálfun og að draga til stafs.

Heimanám: Daglegur heimalestur.

Námsmat: Vinna og verkefni nemenda verða metin jafnt og þétt af kennara. Skimunarpróf Leið til læsis lagt fyrir í október ásamt Tove Krogh þroskaprófi og eftirfylgnipróf. Lestrarpróf að vori. Könnun lögð fyrir jafnt og þétt
Nánari upplýsingar má finna á mentor
Annað námsár
uppfært í október 2019
Markmið: 
  • Að nemendur nái valdi á frumþáttum móðurmáls, þ.e. töluðu máli og hlustun,  lestri og ritun, eftir því sem þroski þeirra leyfir. Þessir þættir styðja hvern annan, tengjast og skarast.
  • Að nemendur læri að bera virðingu fyrir málinu og geti tjáð öðrum skoðanir sínar.
  • Að þroska og þjálfa skrift og ritun sem nýtist þeim í skólastarfinu og síðar í lífinu.

Námsefni: Ritrún 1, Við lesum B les- og vinniubók, valin verkefni í málfræði og ritun, valið efni í réttritun, Góður, betri bestur í skrift. Ljóð og sögur, Bókasafnarinn

Kennslutilhögun:  Í lestrarþjálfun er áhersla lögð á upplestur, hljóðlestur, samlestur og lesskilning. Reglulega verða frjálslestrarstundir í skóla. Í heimanámi verður daglegur lestur þar sem áhersla er lögð á upplestur og að sá sem á hlýðir kvitti fyrir áheyrnina. Í bókmenntum og ljóðum eru unnin skrifleg og munnleg verkefni ásamt myndrænni úrvinnslu, ýmist í hóp- eða einstaklingsvinnu og áhersla lögð á umræður.  Í tjáningu/hlustun þjálfa nemendur framsögn og hlustun með fjölbreyttum verkefnum, s.s. ljóðum, sögum, frumsömdu efni, efni á hljóðdiskum/ myndböndum.  Í ritun verða unnin fjölbreytt verkefni. Áhersla verður áfram lögð á vandaða skrift og einfalda uppbyggingu texta. Í skriftarnámi er áhersla lögð á samræmi í stafagerð og hæð stafa, jafnan halla, að stafir haldi línu og vandaðan frágang.  Grundvallarhugtök í málfræði eru þjálfuð og markvisst verður unnið með réttritun, t.d. samhliða heimalestri.  Kennsluaðferðir eru blandaðar, unnið er út frá innlögn frá kennara, hópstarfi og einstaklingsmiðuðu námi.

Heimanám:  Daglegur heimalestur. Skrift og ritun á köflum og annað heimanám eftir þörfum.

Námsmat:  Símat, sjálfsmat, ýmis námsmatsverkefni/próf og lestrarkannanir.
Þriðja námsár
uppfært í október 2019
Markmið: 
Lestur, framsögn, bókmenntir og ljóð. Að nemandi:
  • auki lestrarhæfni sína, bæði í hraða og skilningi,
  • lesi skýrt og áheyrilega,
  • kynnist mismunandi bókmenntum, sögum og ljóðum,
  • auki lestrarskilning úr lesnum textum með ýmsum úrvinnslu möguleikum,
Stafsetning, ritun og málfræði. Að nemandi:
  • skrifi sögur og ljóð sér og öðrum til ánægju,
  • kunni stafrófið og geti raðað orðum í stafrófsröð,
  • æfist í að skrifa eftir upplestri og orðrétt eftir texta,
  • kunni skil á kyni og greini nafnorða,
Skrift. Að nemandi:
  • haldi rétt á skriffæri og dragi rétt til stafs
  • skrifi skýrt og læsilega
  • skilji mikilvægi þess að vanda sig

Námsefni:  Ýmsar lestrarbækur við hæfi hvers og eins, Litla Lesrún, Ritrún 2, ýmis verkefni í málfræði, ritun og réttritun, Góður, betri, bestur 3A og B í skrift, Ás, Tvistur og Þristur, Mýsla á bókasafni.

Kennslutilhögun: Í lestrarþjálfun er áhersla lögð á upplestur, hljóðlestur, samlestur og lesskilning. . Í heimanámi verður daglegur lestur þar sem áhersla er lögð á upplestur og að sá sem á hlýðir kvitti fyrir áheyrnina. Í bókmenntum og ljóðum eru unnin skrifleg og munnleg verkefni ásamt myndrænni úrvinnslu, ýmist í hóp- eða einstaklingsvinnu. Í tjáningu/hlustun þjálfa nemendur framsögn og hlustun með fjölbreyttum verkefnum, s.s. ljóðum, sögum, frumsömdu efni, efni á hljóðdiskum/myndböndum. Í ritun verða unnin fjölbreytt verkefni. Áhersla verður áfram lögð á vandaða skrift og uppbyggingu texta. Í skriftarnámi er áhersla lögð á samræmi í stafagerð og hæð stafa, jafnan halla, að stafir haldi línu og vandaðan frrágang. Grundvallarhugtök í málfræði eru þjálfuð og markvisst verður unnið með réttritun.

Heimanám:  Heimalestur á hverjum degi ásamt verkefnum honum tengdum þegar svo ber undir, skrift og ritun í sögubók.

Námsmat: Símat,lestrarkannanir, próf.
Fjórða námsár
uppfært í október 2019
Markmið: 
Lestur, framsögn, bókmenntir og ljóð. Að nemandi:
  • auki lestrarhæfni sína bæði í hraða og skilningi, 
  • lesi skýrt og áheyrilega,
  • kynnist mismunandi bókmenntum, sögum og ljóðum,
  • auki lestrarskilning úr lesnum textum með ýmsum úrvinnslu möguleikum,
 
Stafsetning, ritun og málfræði. Að nemandi:
  • skrifi sögur og ljóð sér og öðrum til ánægju,
  • kunni stafrófið og geti raðað orðum í stafrófsröð,
  • æfist í að skrifa eftir upplestri og orðrétt eftir texta,
  • kunni skil á kyni og greini nafnorða,
  • læri undirstöðuaðtriðin í orðflokkagreiningu, fallbeygingu nafnorða og stigbreytingu lýsingarorða.
Skrift. Að nemandi:
  • haldi rétt á skriffæri og dragi rétt til stafs
  • skrifi skýrt og læsilega
  • skilji mikilvægi þess að vanda sig

Námsefni:  Ýmsar lestrarbækur við hæfi hvers og eins ásamt vinnubókum þar sem við á,  Lesrún, Ritrún 3,  valin verkefni í málfræði ritun og réttritun, Góður betri bestur 4A og B í skrift, Ás, Tvistur, Þristur og Mýsla á bókasafni.

Kennslutilhögun: Í lestrarþjálfun er áhersla lögð á upplestur, hljóðlestur, samlestur og lesskilning. Í heimanámi verður daglegur lestur þar sem áhersla er lögð á upplestur og að sá sem á hlýðir kvitti fyrir áheyrnina, stundum fylgir vinnubók með. Í bókmenntum og ljóðum eru unnin skrifleg og munnleg verkefni ásamt myndrænni úrvinnslu, ýmist í hóp- eða einstaklingsvinnu. Í tjáningu/hlustun þjálfa nemendur framsögn og hlustun með fjölbreyttum verkefnum, s.s. ljóðum, sögum, frumsömdu efni, efni á hljóðdiskum/myndböndum. Í ritun verða unnin fjölbreytt verkefni. Áhersla verður áfram lögð á vandaða skrift og uppbyggingu texta. Í skriftarnámi er áhersla lögð á samræmi í stafagerð og hæð stafa, jafnan halla, að stafir haldi línu og vandaðan frrágang. Grundvallarhugtök í málfræði eru þjálfuð og markvisst verður unnið með réttritun.

Heimanám: Heimalestur á hverjum degi ásamt verkefnum honum tengdum þegar svo ber undir, skrift og ritun í sögubók.

Námsmat: Símat, lestrarkannanir, próf.