Lykilhæfni

Lykilhæfni Auðarskóla

  • Þrautseigja og dugnaður 

  • Ábyrgð og námsvitund                                                     Hæfni nemenda til að bera ábyrgð á eigin námi og leggja mat á eigin vinnubrögð og fammistöðu

  • Skapandi og gagnrýnin hugsun                                 Skapandi og frumkvæði í efnistökum og úrvinnslu. Hæfni nemenda til að nota þekkingu og leikni, draga ályktanir, áræðni til að leita nýrra lausna og beita gagnrýnni hugsun og röksemdafærslu.

  • Upplýsinganotkun                                                            Hæfni nemenda til að nýta sér margvíslega miðla í þekkingarleit, úrvinnslu og miðlun upplýsinga.  Hæfni til að nýta upplýsingar á ábyrgan, skapandi gagnrýnin hátt.

  • Sjálfstæði og samvinna                                                    Hæfni til að vinna sjálfstætt, í samstarfi við aðra og undir leiðsögn.

  • Tjáning og miðlun                                                                Hæfni nemenda til að tjá hugsanir sínar, tilfinningar og skoðanir munnlega, skriflega og á annan hátt. Hæfni til að miðla þekkingu og leikni sinni og flytja mál sitt skýrt og áheyrilega og taka þátt í samræðum og rökræðum.

Menntagildi lykilhæfni

Grunnþættir í menntun skulu ásamt áhersluþáttum grunnskólalaga vera leiðarljós í almennri menntun og starfsháttum grunnskóla. Jafnframt er rætt um mikilvægi þess að grunnskólinn skapi vettvang til að þroska með nemendum hæfni í anda grunnþáttanna sem búa þá undir þátttöku í lýðræðissamfélagi.
Lykilhæfni er sú hæfni sem snýr að nemandanum sjálfum og er ætlað að stuðla að alhliða þroska hans. Lykilhæfni tengist öllum námssviðum. Hún snýr að hæfni í tjáningu og miðlun, skapandi
og gagnrýninni hugsun, sjálfstæði og samvinnu, nýtingu miðla og upplýsinga og ábyrgð og mat á eigin námi.

Menntagildi lykilhæfni felst meðal annars í því að þroska sjálfsvitund og samskiptahæfni nemenda og búa þá undir virka þátttöku í lýðræðissamfélagi og getu til að nýta sér styrkleika sína til áframhaldandi náms og starfsþróunar þegar þar að kemur. Með því að Mennta- og menningarmálaráðuneyti skilgreina hæfniviðmið í lykilhæfni í öllu námi frá upphafi skólagöngu er lagður grunnur
að alhliða þroska nemenda. Hæfni til tjáningar, gagnrýninnar hugsunar, hæfni til samstarfs við aðra, sjálfsþekkingar, ábyrgðar og sjálfstæðis, frumkvæðis og skapandi hugsunar eru meðal þeirra þátta sem leggja grunn að heildstæðri almennri menntun alla ævi.