Hæfniviðmið fyrir lykilhæfni
Tjáning og miðlun
Við lok 4. bekkjar geti nemandi:
• tjáð hugsanir og skoðanir sínar og sett þær fram á viðeigandi hátt,
• hlustað eftir upplýsingum og rökum í samræðum, • lagað tjáningu sína að viðmælendum og notað algengan orðaforða sem tengist umfjöllunarefni hverju sinni, • gert grein fyrir hugsunum sínum, skoðunum og þekkingu á þann hátt sem við á hverju sinni. |
Við lok 7. bekkjar geti nemandi:
• tjáð hugsanir sínar og tilfinningar með
skipulegum hætti og á viðeigandi hátt með ýmsum miðlum, • hlustað eftir rökum og upplýsingum í samræðum og byggt upp röksemdafærslu í máli sínu og tekið tillit til ólíkra sjónarmiða, • tekið mið af og lagað framsetningu að kröfum eða þörfum viðmælenda og notað viðeigandi hugtök og orðaforða sem tengist umfjöllunarefni hverju sinni, • gert grein fyrir og miðlað af þekkingu sinni og leikni, skoðunum, hugsunum og tilfinningum á þann hátt sem við á hverju sinni. |
Við lok 10. bekkjar geti nemandi:
• tjáð hugsanir sínar, hugmyndir og
tilfinningar á skipulegan, skýran og viðeigandi hátt, • brugðist með rökum við upplýsingum og hugmyndum á margvíslegu formi, einnig getað tekið þátt í rökræðum um viðfangsefni og rökstutt mál sitt af yfirvegun og tekið tillit til ólíkra sjónarmiða, • rætt á viðeigandi og skýran hátt um málefni þannig að áhugi viðmælenda sé vakinn, • notað orðaforða á fjölbreyttan hátt og viðeigandi hugtök sem tengjast margskonar umfjöllunarefni, • nýtt fjölbreyttar aðferðir við að miðla þekkingu sinni og leikni, skoðunum, hugsunum og tilfinningum á skipulegan og skýran hátt sem við á hverju sinni. |
Skapandi og gagnrýnin hugsun
Við lok 4. bekkjar geti nemandi:
• skipulagt efnistök og aðferðir við úrlausn
verkefna, • tekið þátt í að skilgreina viðmið um árangur, • gert sér grein fyrir að iðulega er hægt að komast að fleiri en einni niðurstöðu við úrlausn verkefna og að læra má af mistökum og nýta það á skapandi hátt, • greint milli staðreynda og skoðana, • endurskoðað úrlausn viðfangsefna út frá mismunandi sjónarhornum á skapandi hátt. |
Við lok 7. bekkjar geti nemandi:
• spurt spurninga og sett fram áætlun um
efnistök og úrlausn verkefna, • skilgreint viðmið um árangur, • lært af mistökum og nýtt sér óvæntar niðurstöður við lausn verkefna með skapandi hætti, • áttað sig á mismunandi túlkunum og greint milli staðreynda og skoðana með rökum, • vegið og metið hvort aðferð við verkefnavinnu hafi borið árangur og tekið þátt í mótun og miðlun viðfangsefna á skapandi hátt. |
Við lok 10. bekkjar geti nemandi:
• spurt rannsakandi spurninga, skipulagt
eigin áætlun og endurskoðað ferli við efnistök og úrvinnslu verkefna, • skilgreint og rökstutt viðmið um árangur, • verið óhræddur að nýta sér mistök og óvæntar niðurstöður á gagnrýninn og skapandi hátt og séð í þeim nýja möguleika, • tekið upplýsta afstöðu til gagna og upplýsinga, dregið ályktanir og skapað eigin merkingu, • beitt mismunandi sjónarhornum, gagnrýninni hugsun við mótun og miðlun viðfangsefna á skapandi hátt. |
Sjálfstæði og samvinna
Við lok 4. bekkjar geti nemandi:
• unnið eftir fyrirmælum og borið ábyrgð á
eigin verkefnum og vinnubrögðum þegar við á, • gert sér grein fyrir styrkleikum sínum, • unnið með öðrum að skipulögðum verkefnum sem tengjast námi og félagsstarfi innan skóla, • gert sér grein fyrir eigin hlutverki í samstarfi, • tekið jákvæðan þátt í leik og starfi í skólasamfélagi sínu, • tekið leiðsögn á jákvæðan hátt. |
Við lok 7. bekkjar geti nemandi:
• gert sér grein fyrir til hvers er ætlast í
námi og skólastarfi og hagað námi sínu og störfum í samræmi við það, • gert sér grein fyrir styrkleikum sínum með það að markmiði að efla og byggja upp sjálfsmynd sína, • unnið með öðrum og lagt sitt af mörkum í samstarfi sem tengist námi og félagsstarfi innan skóla, • gert sér grein fyrir eigin hlutverki í samstarfi og tekið þátt í að útfæra leiðir að sameiginlegum markmiðum, • haft á virkan hátt áhrif á skólasamfélag sitt með þátttöku í leik og starfi, • tekið leiðsögn og uppbyggilegri gagnrýni á jákvæðan hátt. |
Við lok 10. bekkjar geti nemandi:
• tekið frumkvæði í námi sínu og verið
sjálfstæður og ábyrgur í vinnubrögðum, • gert sér grein fyrir hvernig hann nýtir styrkleika sína og hefur skýra sjálfsmynd, • unnið með öðrum og tekið á jákvæðan hátt þátt í samskiptum og lagt sitt af mörkum í uppbyggilegu samstarfi sem tengist námi og félagsstarfi innan skóla, • verið leiðandi í samstarfi og borið ábyrgð í útfærslu leiða að sameiginlegum markmiðum, • nýtt hæfni sína til að vera virkur og ábyrgur borgari í lýðræðislegu samfélagi, • tekið leiðsögn og gagnrýni á uppbyggilegan hátt og einnig sett eigin gagnrýni uppbyggilega fram. |
Upplýsinganotkun
Við lok 4. bekkjar geti nemandi:
• leitað sér upplýsinga í námi í ólíkum
miðlum, • notað miðla nokkuð sjálfstætt við nýsköpun, hugmyndavinnu og kynningu efnis, • sýnt ábyrgð í meðferð upplýsinga og verið meðvitaður um gildi ábyrgrar netnotkunar. |
Við lok 7. bekkjar geti nemandi:
• notað margvíslegar upplýsingaveitur
og hjálpartæki við öflun upplýsinga og til stuðnings við nám, • notað ýmsa ólíka miðla við nýsköpun, þróun og framsetningu upplýsinga og hugmynda, • sýnt ábyrgð í meðferð og dreifingu upplýsinga hvort sem er til persónulegra nota eða verkefnavinnu og nýtt rafrænar leiðir og samskiptamiðla af ábyrgð. |
Við lok 10. bekkjar geti nemandi:
• nýtt fjölbreytta miðla og hjálpartæki á
ábyrgan hátt við að leita upplýsinga og til stuðnings í námi sínu, • notað á sjálfstæðan hátt og í samvinnu með öðrum fjölbreytta miðla við skipulag, nýsköpun og þróun og framsetningu upplýsinga og hugmynda, • sýnt ábyrgð í meðferð upplýsinga og heimilda og verið meðvitaður um siðferðislegt gildi ábyrgrar netnotkunar og jafnframt tekið ábyrgð á eigin samskiptum á neti og netmiðlum. |
Ábyrgð og námsvitund
Við lok 4. bekkjar geti nemandi:
• gert sér grein fyrir styrkleikum sínum og
hvar hann getur gert betur í námi, • sett sér með aðstoð markmið í námi, • tekið þátt í að skipuleggja eigið nám með hliðsjón af hæfniviðmiðum aðalnámskrár. |
Við lok 7. bekkjar geti nemandi:
• gert sér grein fyrir styrkleikum sínum og
hvernig hann getur nýtt sér það í námi, • sett sér markmið í námi og unnið eftir þeim, • skipulagt eigið nám með hliðsjón af hæfniviðmiðum aðalnámskrár. |
Við lok 10. bekkjar geti nemandi:
• gert sér grein fyrir hvernig hann getur
hagnýtt sterkar hliðar sínar á skapandi hátt í námi og haft skýra sjálfsmynd, • sett sér raunhæf markmið um frammistöðu og framvindu eigin náms, unnið eftir þeim og lagt mat á hvernig til hefur tekist, • skipulagt og borið ábyrgð á eigin námi með hliðsjón af hæfniviðmiðum aðalnámskrár, skipulagt og endurskoðað með tilliti til mats á árangri. |
